კუნთოვანი კონტრ-პულსაცია (კკპ) – გარეგანი, არაინვაზიური დამხმარე სისხლის მიმოქცევის სახესხვაობაა და ხორციელდება ჩონჩხის კუნთების კარდიოსინქრონული ელექტროსტიმულაციით.

გულის იშემიური დაავადების (ქრონიკული ან მწვავე) დროს კკპ გვევლინება ინვაზიური და მედიკამენტოზური თერაპიის ალტერნატივად ან შემავსებლად. თავისი არსით ეს გახლავთ მიოკარდიუმის არაპირდაპირი, არაინვაზიური (უსისხლო), ბუნებრივი რევასკულარიზაციის საშუალება.

გულის უკმარისობის (სისტოლური დისფუნქციის და არიტმიის ზოგიერთი სახეობის) დროს კკპ ხელს უწყობს რა რევერს რემოდელირების პროცესს (გულის საკნების პათოლოგიური გეომეტრიის უკუგანვითარებას), შეიძლება მოგვევლინოს გულის გადანერგვის ალტერნატივად.